Mahilig, Gusto, at Ayaw

Mahilig ka bang manood ng drama? Mahilig akong manood ng drama. Pero ang gusto kong pinapanood ay mga drama sa Korea at Japan. Ayaw ko ng drama na gawa sa Pilipinas.

Gusto ko ng mga drama na gawa sa Korea at Japan dahil iba-iba ang mga istorya nila. Gusto ko ng mga kuwento na hindi paulit-ulit. Nakakasawa naman kasi kapag ganoon.

Halimbawa, sa mgda drama ng Korea, may kwento tungkol sa babaeng nasa 40 na at bumalik siya sa kolehiyo. May kwento rin tungkol sa magkaibigan na nagkita pagkatapos ng matagal na panahon. Dati napakapaganda ng babae pero nung naging adulto na siya, nag-iba ang hitsura niya pero maganda pa rin naman at hindi siya agad nakilala ng kaibigan niya. Mayroon ding babaeng nagdamit lalaki hindi dahil tomboy siya kundi kailangan lang para manatili siyang buhay.

Ang gusto ko naman sa mga drama sa Japan ay kwentong detektib. Magaling silang gumawa ng mga istorya tungkol sa mga detektib at pulis. Mahilig ako sa ganoong mga kwento.

Ikaw, saan ka mahilig? Ano ang gusto mong pinapanood? Ano ang ayaw mo?


Mahilig ako sa____________
Gusto ko ng ______________
Ayaw ko ng ______________ o Ayaw ko sa ____________.

Subject Pronouns/ Panghalip Panao

Narito ang mga subject pronouns o tinatawag na panghalip panao sa Tagalog:

Ako- I
Ikaw- You (singular)
Siya- He/ She
Ito- It
Tayo- We (including the person you are talking to)
Kami- We (excluding the person you are talking to)
Kayo- You (plural)
Sila- They

Mga Pangungusap:

Ako ay si Regina.
Ikaw ay kaibigan ko.
Siya ay si Joan.
Ito ay aso ko.
Tayo ay magbabasa.
Kami ay maglalaro..
Kayo ay aalis.
Sila ay magkakapatid.

Challenge: Write the sentences written above in English. Then make your own sentences using the pronouns.

Greetings! Mga Pagbati!

Good morning -Magandang umaga
Good noon - Magandang tanghali
Good afternoon - Magandang tanghali
Good evening/night - Maganda gabi

How are you? - Kumusta? or Kumusta ka?
I am fine - Mabuti
Take care - Ingat
Good bye - Paalam

refund policy

Para sa aking mga estudyante:

       Ang mga klase ay babayaran sa simula ng kontrata. Kapag umabsent nang minsan, ito ay irereskedyul. Hindi pinapayagan ang pagpaapreskedyul para sa sumunod na mga pagliban.

For my students:

   Classes are paid at the beginning of the contract. First absence will be rescheduled. Succeeding absences will not be rescheduled and will be considered done.

Matuto ng Tagalog (Learn Tagalog)

Do you want to learn Tagalog?
Contact me thru reign129@gmail.com for more details.

Gusto mo bang matuto ng Tagalog?
Kontakin ako sa reign129@gmail.com para sa mga detalye.

Iniisip Ko: Tumatanda na Talaga Yata Ako

Medyo nahihilo ako ngayon. Mabigat din ang ulo ko. Mahaba naman ang tulog ko kagabi. Bakit kaya?
Nagbasa ako sa Internet ng tungkol sa nararamdaman ko. May nabasa akong forum na halos lahat ng kapareho ko ang nararamdaman ay may scoliosis. Naalaala ko na noong bata ako, nakita ng pedia ko na may 'slight scoliosis' ako. Dahil kaya roon?
Naisip ko rin na baka mataas ang antas ng sugar ko. Nitong nakakaraang araw ay panay ang kain ko ng Nips. Hehehe.
O, baka dahil tumnatanda na ako magme-menopause na ako. May nabasa rin ako sa Internet na maagang nagme-menopause. Haaay... parang masyado namang maaga.
Hindi ko talaga alam. Kaya habang nagsusulat ako ngayon, nakatutok sa akin ang bentilador.

Iniisip Ko: Kinahihiligan Ko Ngayon

Nahihilig ako ngayong magbasa tungkol sa mga pabango. Madalas kong basahin ang mga review sa isang website tungkol sa iba't ibang pabango na lumabas noon at ngayon.

Nakakatuwa ring makita ang iba't ibang uri ng bote, ang mga pangalan, at mga sangkap na ginagamit sa pabango.

Ang totoo, hindi ko naman maaamoy ang mga pabangong binabasa ko kasi wala namang tindahan ng pabango rito.

Basta nasisiyahan lang ako sa pagbabasa.

Ano ang kinahihiligan mo ngayon?

Iniisip Ko: Maingay sa Labas!

Linggo ngayon at hapon pa lang ay may nagvi-videoke na sa kapitbahay namin! Magdamagan na naman siguro ang kantahan.

May mga klase ako ngayon gabi. Hindi ko alam kung ano ang magigng epekto ng ingay sa mga klase ko. Haaay!

Mahilig ang mga Pinoy sa kantahan. Kapag may handaan, laging may videoke. Ang tunog nito ay madalas abot hanggang kabilang kanto. Kaya dapat laging maghanda ng pantakip ng tainga para makatulog sa gabi.

Madalas na kinakanta ng mga kapitbahay ang mga lumang kanta gaya ng Anak, Two Less Lonely People, Pusong Bato, My Way, Quando, at iba pa.

May ilang magagaling kumanta, pero madalas ang sintunado. Marami rin ang mahilig bumirit.
Nasubukan mo na bang mag-videoke? Ano ang kinanta mo?

Iniisip ko: Pabango

Mahilig ka ba sa pabango? Ako? Hindi ako sigurado. Gusto ko ng mabangong amoy- sa damit, sa kuwarto, sa pagkain, sa kasama ko. Siyempre gusto ko ring mabango ako. Pero, hindi lahat ng pabango gusto ng ilong ko. Kung minsan, sinisipon ako dahil sa pabango. Madalas na hindi ko nauubos ang pabango kasi nagsasawa ako sa amoy.

Kamakailan, may tiningnan akong website ng mga pabango. Magkakahalo ang komento ng mga tao. Tama naman, magkakaiba ang gusto ng bawat isa. May binabagayan rin ang mga pabango.

Mahirap bumili base lang sa sinasabi ng iba. Marami ang kailangang pag-isipan. Bagay ba ito sa kemistri ng katawan ko? Hindi ba masakit sa ulo ang amoy? Nagtatagal ba ang amoy nito? Nagiging masangsang ba ito kapag pinawisan ka?

Narito ang ilang pabango na naalaala kong ginamit ko:
Jovan Musk- noong bata pa ako; hindi ko naubos ang isang bote
VS Strawberries and Champagne- una kong body mist na galing sa VS; pahinto-hinto ang paggamit
VS Endless Love- noong nag-aaral pa ako sa unibersidad; pahinto-hinto ang paggamit
VS Beauty Rush Honey Do- unang body mist na naubos ko
BBW Cucumber Melon -gusto ko pero hindi ko maalaala kung naubos ko
D&G Light Blue- unang pabango na naubos ko
Lanvin Eclat d'Arpege- hindi ko pa tapos ang isang bote
BBW Mad About You- hindi pa ubos
BBW Brown Sugar and Fig -  ipinamigay
BBW Wild Honeysuckle - hindi pa ubos

Gusto kong subukan dahil matamis daw ang amoy: Gold Sugar, Pink Sugar, Laura Mercier Creme Brulee,  Thierry Mugler Angel, Dolce (Paano kung masangsang pala???)

Anong mga pabango ang gusto mo? Ano ang paborito mo?

Si Bona at ang Ulan

"Haay! Umuulan na naman..."
 Kailangang pumasok si Bona sa paaralan, pero tumingin siya sa labas.
"Magdadala na ako ng payong..." ang sabi ni Bona sa sarili niya.
 Naalaala ni Bona ang nangyari isang araw na umuulan gaya nito.

"Bona, may payong ka?" ang tanong ni Rosa, kaklase ni Bona.
"Wala, hindi ko naman alam na uulan," ang sagot niya.
Tumingin si Bona sa paligid. Lahat sila ay may payong.
"Bakit ba hindi ako nagdala ng payong? Sabi na nga ni nanay na dalhin ko ang payong ko." Napakunot ang noo niya.
Isa- isang nag-alisan ang mga kaklase ni Bona. Wala man lang nag-alok sa kaniya ng payong. Kahit si Rosa ay hindi nagyayang sumabay sa kaniya.

Naiwan siya roon sa eskuwelahan. Nag-iisa.

Si Bona at ang Sorbetes

Matalinong bata si Bona. Lahat ng sabihin ng mga magulang niya ay sinusunod niya. Masipag din siyang mag-aral kaya matataas ang marka niya sa eskuwelahan. Mahilig din siyang maglinis ng bahay.

Minsan, habang naglalampaso siya ng sahig -

Kling! Kling! Kling! Kling!

Napangiti si Bona. Gusto niya ng sorbetes!

"Nanay, puwede ba akong bumili ng sorbetes?" ang tanong ni Bona.

"Sige, kung may pera ka," ang sagot ni Mrs. dela Cruz.

Nagmamadaling lumabas si Bona dala ang mga baryang iniipon niya araw-araw.

BAAG! 

Sa kakamadali, hindi napansin ni Bona na basa pa ang sahig na nilinis niya kaya nadulas siya. Lahat ng baryang nasa palad niya ay tumilapon.

Isa-isa niyang pinulot ang mga barya habang unti-unting humihina ang tunog ng kuliling ng sorbetero...

Kling! Kling! Kling! Kli... ng!......

Wala na ang sorbetero.

Iniisip Ko: Nakaka-stress ang Gabing Ito!

Nakaka-stress ang gabing ito! Kakauwi lang namin at pakiramdam ko maghapon akong nawala sa bahay, pero ang totoo, alas-5 lang kami ng hapon umalis.
Pumunta kami sa Kingdom Hall para makipagpulong sa mga kapananampalataya namin. Bago magsimula ang pulong, biglang nawalan ng kuryente. Sobrang dilim ng paligid. Mabuti na lang, may dala silang flashlight!
Bumalik din ang kuryente pagkatapos ng 15 minuto. Pero bago matapos ang pulong, nag-blackout ulit.
Hindi kami kaagad nakauwi. Nanlambot ang kapatid kong lalaki. Anim na araw na siyang may lagnat. Bigla siyang nahilo kaya dinala namin siya sa ospital. Tiningnan ng doctor ang dugo niya, lalo na ang bilang ng platelets niya. Okay pa naman ang resulta kaya pinauwi rin kami.
Pagdating sa bahay, wala pa ring kuryente. Ang masama pa nito, kapag walang kuryente, wala ring tubig. Kaya nag-igib pa ako ng tubig. Haaay!
Mga alas-10 na nang magkaroon ng kuryente. Pagkatapos, nagklase pa ako!

Iniisip Ko

Nakatira sa malayo ang isa kong kapatid. Lagi namin siyang naaalaala. Nakakakain ba siya nang mabuti? May panggastos ba siya? Nakakatulog ba siya nang maayos?
Mula noon, palagi kaming magkakasamang buong pamilya. Ang eskuwelahan namin ay malapit lang sa bahay. Nag-aral kami sa pinagtatrabahuhan noon ng mga magulang ko. Kaya halos 24 oras kaming magkakasama.
Nagsimula kaming magkalayo tatlong taon matapos akong maka-graduate sa kolehiyo. Napunta ako sa Maynila. Tatlong taon ako roon. Pero bumalik din ako kasama nila.
Sumunod namang lumayo ang kapatid kong lalaki. Noong Agosto lang siya lumipat doon para magtrabaho. Gusto rin niyang tumayo  sa sarili niyang paa. Hanga ako sa kaniya kasi malakas ang loob niyang gawin iyon.
Maraming matututuhan ang isa kapag nagsasarili siya at namumuhay mag-isa. Matututo siyang magbadyet ng pera, gumawa ng gawaing-bahay, umayos ng sarili niyang problema. Pero sa tingin ko, hindi ito para sa lahat ng tao. May ilan na takot, gaya ko.

Salita Ngayon

Nakakainis - annoying

Halimbawa:

     Nakakainis ang panahon ngayon; bigla na lang iinit pagkatapos, lalamig. (The weather is annoying; it would suddenly become hot then cold.

     Nakakainis ka. Huwag kang tanong nang tanong. (You are annoying. Stop asking too much questions)

Salita Ngayon

Maalinsangan- hot and humid

example: Uulan siguro, maalinsangan kasi.

Salita Ngayon

Pananampalataya - faith

    Ito ang isa sa mga napakahabang salita sa Tagalog na kung isusulat sa Ingles ay 5 letra lamang. Ito ay noun o pangngalan.
    Ang ibang mga anyo ng salitang ito:
   
manampalataya- to put faith
                        Manampalataya ka sa Diyos.
nanampalataya-  had faith
                        Nanampalataya siya sa Diyos.
mananampalataya - will put faith
                        Mananampalataya ako kung makikita mismo ng mga mata ko.
nananampalataya- has faith
                        Nananampalataya ako na gagaling siya

mananamapataya- believer
                        Si Andres ay isang mananampalataya.

Gusto vs. Ayaw

 Ginagamit ang salitang 'gusto' para sa like or want. Ang 'ayaw' naman ay ang kabaligtaran nito.

  Puwede nating sabihin:

  Gusto ko ang niluto mo. 
  Gusto kong kumain.
  Gusto ko ng spaghetti.
  Gusto mo bang umalis? 
  Ano ang gusto mong puntahan?

   Ayaw ko ang suot mo.
   Ayaw kong magbihis.
   Ayaw ko ng pantalon.
   Ayaw mo bang mag-laro?
   Ano ang ayaw mong kainin?

   Subukan mo naman ngayong gumawa ng sarili mong pangungusap.

    😊😊😊

Tagalog

Ang "Tagalog" ay nagmula sa "taga-ilog."

Hindi ko isusulat dito ang kasaysayan ng wikang Tagalog. Puwede itong mabasa sa WIkipedia o sa iba pang website.

Gusto ko lang ibahagi ang isang salita na madalas gamitin ng mga Tagalog. Ito ang salitang...

Mahal

Ano ba ang ibig sabihin nito?

Iniibig? Tama!  

Mataas ang halaga o presyo?  Oo!

Kaya, puwedeng sabihin na:
          Mahal kita!
          Ang mahal ng bilihin ngayon!


Subukan mo kung kaya mong ibigay ang kahulugan ng bawat pangungusap
       a. iniibig                  b. mataas ang presyo

1. Hindi niya mahal ang kaibigan niya.
2. Hindi na mahal ang kamatis ngayon.
3. Mahal mo ba ang pusa mo?
4. Gaano mo kamahal ang alaga mo?
5. Kamahal naman niyan daig pa ang ginto!



***a. love     b. expensive